ਅਸੋਕ ਅਣਜਾਨ ਬਣੇ ਮਹੰਤ ਵਰਿੰਦਰ ਵਿੱਕੀ ਚੇਅਰਮੈਨ ਤੇ ਸੰਸਾਰੀ ਲਾਲ ਗਰਗ ਬਣੇ ਪ੍ਰਧਾਨ

ਮਾਤਾ ਰਾਣੀ ਦੇ ਝੰਡਿਆ ਦੀ ਸੋਭਾ ਯਾਤਰਾ 1 ਅਗਸਤ ਨੂੰ
ਰਾਮਪੁਰਾ ਫੂਲ, 9 ਜੁਲਾਈ: ਮਾਂ ਭਗਵਤੀ ਸੋਭਾ ਯਾਤਰਾ ਮੰਡਲ ਰਾਮਪੁਰਾ ਫੂਲ ਦੀ ਅਹਿਮ ਮੀਟਿੰਗ ਗਿਆਨ ਸਾਗਰ ਪੀਰ ਮੰਦਰ ਚੈਰੀਟੇਬਲ ਟਰੱਸਟ ਵਿਖੇ ਮੰਡਲ ਦੇ ਸਰਪ੍ਰਸਤ ਜਸਕਰਨ ਬਾਂਸਲ (ਜੱਸੀ ਬਾਬਾ) ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿੱਚ ਸਰਬਸੰਮਤੀ ਨਾਲ ਫੈਸਲਾ ਕੀਤਾ ਗਿਆ ਕਿ ਮਾਤਾ ਰਾਣੀ ਦੇ ਸਲਾਨਾ ਝੰਡਿਆਂ ਦੀ ਵਿਸ਼ਾਲ ਸ਼ੋਭਾ ਯਾਤਰਾ 1 ਅਗਸਤ 2026 (ਸ਼ਨੀਵਾਰ) ਨੂੰ ਸ਼ਹਿਰ ਵਿੱਚ ਪੂਰੀ ਧਾਰਮਿਕ ਸ਼ਰਧਾ, ਉਤਸ਼ਾਹ ਅਤੇ ਧੂਮਧਾਮ ਨਾਲ ਕੱਢੀ ਜਾਵੇਗੀ।
ਮੀਟਿੰਗ ਦੌਰਾਨ ਮੰਡਲ ਨਾਲ ਨਵੀਆਂ ਜੁੜੀਆਂ ਕ੍ਰਿਸ਼ਨਾ ਜਾਗਰਣ ਮੰਡਲ (ਗੁਪਤਾ ਮੰਦਰ) ਅਤੇ ਮਾਂ ਸਰਸਵਤੀ ਭਜਨ ਮੰਡਲੀ (ਦੀਪਕ ਮਤਵਾਲਾ ਐਂਡ ਪਾਰਟੀ) ਦਾ ਭਗਵੇਂ ਦੁਪੱਟੇ ਪਾ ਕੇ ਭਰਵਾਂ ਸਵਾਗਤ ਕੀਤਾ ਗਿਆ।
ਇਸ ਮੌਕੇ ਸਰਪ੍ਰਸਤ ਜਸਕਰਨ ਬਾਂਸਲ (ਜੱਸੀ ਬਾਬਾ) ਨੇ ਕਿਹਾ ਕਿ ਨਵੀਆਂ ਧਾਰਮਿਕ ਮੰਡਲੀਆਂ ਦੇ ਸ਼ਾਮਲ ਹੋਣ ਨਾਲ ਮੰਡਲ ਦਾ ਪਰਿਵਾਰ ਹੋਰ ਮਜ਼ਬੂਤ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਹਰ ਮੰਡਲੀ ਨੂੰ ਪੂਰਾ ਮਾਣ-ਸਨਮਾਨ ਦਿੱਤਾ ਜਾਵੇਗਾ ਅਤੇ 1 ਅਗਸਤ ਨੂੰ ਨਿਕਲਣ ਵਾਲੀ ਸ਼ੋਭਾ ਯਾਤਰਾ ਸ਼ਹਿਰ ਦੇ ਇਤਿਹਾਸ ਦੀਆਂ ਸਭ ਤੋਂ ਵਿਸ਼ਾਲ ਧਾਰਮਿਕ ਯਾਤਰਾਵਾਂ ਵਿੱਚੋਂ ਇੱਕ ਹੋਵੇਗੀ।
ਉਨ੍ਹਾਂ ਦੱਸਿਆ ਕਿ ਸ਼ੋਭਾ ਯਾਤਰਾ ਵਿੱਚ ਸ੍ਰੀ ਨਵ ਦੁਰਗਾ ਭਜਨ ਮੰਡਲੀ, ਅਣਜਾਨ ਭਜਨ ਮੰਡਲ (ਅਸ਼ੋਕ ਅਣਜਾਨ), ਸ੍ਰੀ ਨੀਲਕੰਠ ਭਜਨ ਮੰਡਲ, ਸ੍ਰੀ ਦੁਰਗਾ ਭਜਨ ਮੰਡਲ, ਮਾਂ ਸਰਸਵਤੀ ਭਜਨ ਮੰਡਲ, ਜੈ ਕਾਲੀ ਮਾਂ ਜੈ ਸ਼ਨੀਦੇਵ ਮੰਦਰ, ਮਾਂ ਨੈਣਾ ਦੇਵੀ ਦਰਬਾਰ (ਮਾਤਾ ਕਿਰਨ ਬਾਲਾ ਜੀ), ਮਾਤਾ ਨੈਣਾ ਦੇਵੀ ਜਾਗਰਣ ਮੰਡਲੀ (ਬਲਰਾਜ ਲੱਡੂ), ਬਾਬਾ ਰਾਮਦੇਵ ਪ੍ਰਚਾਰ ਮੰਡਲ, ਰੋਕੀ ਸਿੰਘ ਐਂਡ ਪਾਰਟੀ (ਟੀ-ਸੀਰੀਜ਼ ਕਲਾਕਾਰ) ਅਤੇ ਮਾਂ ਨੈਣਾ ਦੇਵੀ ਜਾਗਰਣ ਮੰਡਲ (ਜੋਨੀ ਤਾਇਲ ਬੰਗਾ) ਸਮੇਤ ਅਨੇਕਾਂ ਧਾਰਮਿਕ ਮੰਡਲੀਆਂ ਆਪਣੀ ਹਾਜ਼ਰੀ ਲਗਵਾਉਣਗੀਆਂ।
ਇਸ ਮੌਕੇ ਮਾਂ ਭਗਵਤੀ ਸੋਭਾ ਯਾਤਰਾ ਮੰਡਲ ਦੀ ਨਵੀਂ ਕਾਰਜਕਾਰਨੀ ਦਾ ਵੀ ਗਠਨ ਕੀਤਾ ਗਿਆ। ਇਸ ਵਿੱਚ ਜਸਕਰਨ ਬਾਂਸਲ (ਜੱਸੀ ਬਾਬਾ) ਨੂੰ ਸਰਪ੍ਰਸਤ, ਵਰਿੰਦਰ ਵਿੱਕੀ ਨੂੰ ਚੇਅਰਮੈਨ, ਰਾਜੂ ਪਵਾਰ, ਕਿਰਪਾਲ ਸਿੰਘ ਅਤੇ ਨਸੀਬ ਸਿੰਗਲਾ ਨੂੰ ਵਾਈਸ ਚੇਅਰਮੈਨ, ਮਹੰਤ ਅਸ਼ੋਕ ਅਣਜਾਨ ਨੂੰ ਮਹੰਤ, ਸੰਸਾਰੀ ਲਾਲ ਨੂੰ ਪ੍ਰਧਾਨ, ਨਰੇਸ਼ ਕੁਮਾਰ ਲੱਡੂ ਨੂੰ ਸੀਨੀਅਰ ਵਾਈਸ ਪ੍ਰਧਾਨ, ਆਸੂ ਕੁਮਾਰ, ਰਵੀ ਗੋਇਲ, ਗੋਪਾਲ ਦਾਸ ਅਤੇ ਬਲਰਾਜ ਲੱਡੂ ਨੂੰ ਵਾਈਸ ਪ੍ਰਧਾਨ, ਡੀ.ਸੀ. ਮੇਘਵਾਲ ਨੂੰ ਡਾਇਰੈਕਟਰ, ਰੋਕੀ ਸਿੰਘ ਨੂੰ ਡਾਇਰੈਕਟਰ, ਪਵਨ ਜਿੰਦਲ (ਪੰਮਾ) ਨੂੰ ਵਾਈਸ ਡਾਇਰੈਕਟਰ, ਸਤਪਾਲ ਸ਼ਰਮਾ ਅਤੇ ਪਰਮਿੰਦਰ ਪਿੰਟੂ ਨੂੰ ਸਕੱਤਰ, ਮੌਂਟੀ ਗੋਇਲ ਨੂੰ ਖ਼ਜ਼ਾਨਚੀ, ਰਜਿੰਦਰ ਮਿੱਤਲ ਨੂੰ ਵਾਈਸ ਖ਼ਜ਼ਾਨਚੀ, ਜੋਨੀ ਤਾਇਲ ਬੰਗਾ, ਆਸੂ ਬਜਾਜ, ਵਿਜੈ ਸਿਸੋਦੀਆ ਅਤੇ ਰਾਕੇਸ਼ ਕੁਮਾਰ ਬੱਬਲੂ ਨੂੰ ਪੀ.ਆਰ.ਓ., ਸੁਰਿੰਦਰ ਧੀਰ ਅਤੇ ਰਜਨੀਸ਼ ਕਰਕਰਾ ਨੂੰ ਸਲਾਹਕਾਰ, ਗੌਰਵ ਅਰੋੜਾ ਅਤੇ ਵਿਕਾਸ ਸਿੰਗਲਾ ਨੂੰ ਪ੍ਰੈੱਸ ਸਕੱਤਰ, ਰਾਜੂ ਰਾਜੋਰਾ ਨੂੰ ਸਟੇਜ ਸਕੱਤਰ ਅਤੇ ਦੀਪਕ ਮਤਵਾਲਾ ਨੂੰ ਮਿਊਜ਼ਿਕ ਡਾਇਰੈਕਟਰ ਚੁਣਿਆ ਗਿਆ।
ਮੀਟਿੰਗ ਵਿੱਚ ਅਸ਼ੋਕ ਅਣਜਾਨ, ਵਰਿੰਦਰ ਵਿੱਕੀ, ਰਵੀ ਕੁਮਾਰ, ਗੌਰਵ ਅਰੋੜਾ, ਮੌਂਟੀ ਗੋਇਲ, ਰੋਕੀ ਸਿੰਘ, ਪਵਨ ਜਿੰਦਲ, ਸੰਸਾਰੀ ਲਾਲ, ਸੁਰਿੰਦਰ ਧੀਰ, ਸਤਪਾਲ ਸ਼ਰਮਾ, ਨਰੇਸ਼ ਕੁਮਾਰ ਲੱਡੂ, ਬਲਰਾਜ ਲੱਡੂ, ਰਜਿੰਦਰ ਮਿੱਤਲ, ਵਿਕਾਸ ਸਿੰਗਲਾ, ਗੋਪਾਲ ਦਾਸ, ਕਿਰਪਾਲ ਸਿੰਘ, ਡਾ. ਵਿਜੈ ਗਰਗ, ਐਸ.ਡੀ.ਓ. ਨਰੇਸ਼ ਗਰਗ, ਅਨੀਕੇਤ ਬਾਂਸਲ, ਸੰਜੀਵ ਗਰਗ, ਨਿਤੀਸ਼ ਬਾਂਸਲ, ਦੀਪੂ ਬਾਂਸਲ, ਪ੍ਰਦੀਪ, ਡੀ.ਸੀ. ਮੇਘਵਾਲ ਸਮੇਤ ਵੱਡੀ ਗਿਣਤੀ ਵਿੱਚ ਮੈਂਬਰ ਅਤੇ ਧਾਰਮਿਕ ਸ਼ਖ਼ਸੀਅਤਾਂ ਹਾਜ਼ਰ ਸਨ।

Amanpreet Kaur (Marketing Coordinator)

Rozana Savera

See author's posts